Selimi falënderon Turqinë për mbështetjen dhënë Kosovës
13/08/2020 16:44
Ambasadori i Gjermanisë në Prishtinë: Kosovën e pret punë e vështirë për t’u anëtarësuar në Këshillin e Evropës në maj 16/04 23:01
Ministri i Drejtësisë, Selim Selimi sot ka pritur në takim Ambasadorin e Turqisë në Kosovë, Çağrı Sakar.
Sipas komunikatës ministrore, gjatë këtij takimi, ministri Selimi ka falënderuar Ambasadorin Sakar për mbështetjen që ka ofruar shteti i Turqisë në të gjitha etapat e shtetndërtimit dhe sidomos në forcimin e subjektivitetit ndërkombëtar të Republikës së Kosovës.
Ministri Selimi e ka njoftuar Ambasadorin Sakar për nismat e ndërmarra gjatë mandatit të tij, përfshirë agjendën legjislative, themelimin e Gjykatës Komerciale si dhe prioritetet të cilat synon t’i realizojë për fuqizimin e sundimit të ligjit, sidomos në çështjen e reformës në sistemin e drejtësisë.
Ambasadori Sakar ka vlerësuar si shumë të dobishme dhe të rëndësishme krijimin e Gjykatës Komerciale, e cila sipas tij do të dërgojë mesazh tejet pozitiv te investitorët e huaj, si dhe ka falënderuar ministrin Selimi për gatishmërinë për të fuqizuar bashkëpunimin ndërmjet dy vendeve, duke rikonfirmuar se shteti i Turqisë do të vazhdojë ta mbështes Republikën e Kosovës dhe institucionet e saj në çdo proces me rëndësi.
Top Channel
