“Po burri edhe të rreh…”, gazetarja tregon rastet e dhunës ndaj grave: Jetonin në skamje, nuk duroi dhe u mbyt në pusin e shtëpisë 06/05 20:25
Në studion e emisionit “Top Talk”, drejtuar nga gazetari Denis Dyrnjaja, ishte i ftuar avokati Spartak Ngjela. Avokati argumentoi se votat e lira dhe të ndershme nuk ekzistojnë në vendin tonë.
Sipas tij, në Shqipëri ekziston filozofia e Stalinit, i cili thoshte që qytetarët kanë të drejtë të votojnë, ndërsa ne të numërojmë. Me këtë krahasim, avokati ironizoi duke nënkuptuar që votat e qytetarëve manipulohen.
Gjithashtu Ngjela nuk ngurroi të tallet me mënyrën e të bërit politik në Shqipëri dhe tha se numërues në vendin tonë janë, “Hupja, shupja e tupja”.
“Unë mund t’iu them një gjë, nuk çajnë kokën fare ndërkombëtarët për ligjin elektoral. Ligjin Elektoral nuk e kanë pasur politika amerikane, e ka kërkuar BE-ja, sipas kërkesave të OHDIR-it. OHDIR-in se pranuan këta, sepse OHDIR-i kërkoi komisione të depolitizuara. Pra të mos jemi tek Stalini, që populli ka të drejtë të votojë, ndërsa ne të numërojmë, por të numërojë populli.
Ja këtë nuk e pranuan dhe ata duke menduar që na duhet kjo marrëveshje për ecurinë e hapjes së negociatave reale me bashkimin evropian, u tërhoqën nga kërkesat e OHDIR-it dhe i lanë këta të vrasin veten me hupen, shupen, dupen në numërim. E dinë kush është në numërim sot? Hupja, shupja,tupja. Nuk ka votim të lirë, opinioni publik shqiptar nuk e kupton, këta janë banditë kundër votës së lirë. Në qoftë se Rama do t’i hapte listat, le të thyenin qafën opozita, do të ishte një hap përpara, nuk kishte kurajo dhe e la me 1/3-ën. Të shohim precipitojnë ngjarjet”, u shpreh avokati.
Top Channel
