TIRANË-Komisioni i Ligjeve dhe Këshilli i Legjislacionit është shtyrë për në orën 18:00 për të diskutuar për projektligjin e opozitës parlamentare për listat e hapura dhe ndalimin e koalicioneve.

Ky komision u mblodh online paraditen e sotme, ku deputeti i opozitës Korab Lita, kërkoi uljen e pragut nga 5% që e kërkuan në fillim në 2%, pra duke e ulur me 1% krahasuar me atë që është aktualisht 3%.

Propozoj që në pikën 2 të nenit të parë, të bëhet jo më pak se 5% të votave të vlefshme por 2% të votave të vlefshme. Pragu 5% dhe ndalimi i koalicioneve ngushtojnë hendekun. Pragu 2% e plotëson më së miri nevojën e shfaqur” tha ai.

Nga PS, Klotilda Bushka e ka komentuar këtë nivel pragu si shumë të ulët.

‘’Në lidhje me propozimin për amendim të nenit 1, edhe duke ju referuar edhe eskpertëve dhe diskutantëve. Pragu 5% konsiderohet frenues. Por 2% është një çështje që ka nevojë për diskutim të përbashkët të relatorëve. Duhet analizë, pse arrihet në këtë nivel dhe jo në një tjetër. Mua më duket nivel i ulët lidhur me propozimin që kemi marrë në fillim për pragun elektoral 5%. ‘’– tha Bushka

Ndërkohë burime për Top Channel bëjnë me dije se pragu përfundimtarë jetë 4%.

Top Channel