Video/ Pak pas ekzekutimit të Hekuran Billës tek “Komuna e Parisit”
12/06/2020 11:30
Drejtonte automjetin në gjendje të dehur, arrestohet punonjësi i policisë në Durrës 19/04 21:27
Kjo video që shihni është pak pas ekzekutimit të Hekuran Billës tek “Komuna e Parisit”, vendi ku ndodhi ngjarja.
Hekuran Billa 40 vjeç, u qëllua për vdekje mbrëmjen e djeshme brenda makinës së tij, përballë një qendre tregtare në Tiranë, në zonën e Komunës së Parisit.
Ekzekutimi i Billës, ndodhi rreth orës 10 mbrëmjen e së enjtes teksa ai po përgatitej të lëvizte automjetin e tij. Viktima me origjinë nga Kukësi, jetonte në fshatin Domje, ndërsa sipas të afërmve të tij, ai kishte ardhur për të takuar disa miq të tij në këtë zonë, ku edhe u ekzekutua me armë zjarri.
Autorët u larguan menjëherë nga vendngjarja, dhe rreth 30 minuta më pas, policia gjeti në fshtin Pezë të vogël një automjet duke u djegur që dyshohet se i përket autorëve.
Burime të gazetares Anila Hoxha thonë se Hekuran Billës i kishin mbetur edhe 5 vite burgim që ishte konvertuar nga gjykata me kusht. Billa kishte paraqitur në gjykatë një kontratë pune me një studio ku premtonte se do punonte si korrier dhe se do sillej mirë.
Vendimi për të rezulton se u ndryshua në datën 22 shkurt 2019, pasi Billa nga burgu pretendonte se kishte prindërit sëmurë dhe se ata nuk kishin të ardhura veç pensionit për të jetuar.
Viktima kishte dorëzuar sipas burimeve të gazetares Anila Hoxha raporte mjekësore duke lënë në këtë mënyrë qelinë.
Top Channel
