Po planifikonin sulme gjatë Krishtlindjeve dhe Vitit të Ri, autoritetet turke arrestojnë 117 anëtarë të dyshuar të Shtetit Islamik pas bastisjeve në Stamboll 25/12 10:08
Disa pamje të fëmijëve francezë që ruanin distancën sociale teksa luajnë në kopshtin e tyre, kanë tronditur publikun.
Të vegjëlit shihet që ulen të vetmuar në oborrin e lojës, secili në ‘kutitë e tyre të izolimit’, në një sinjal se ky mund të jetë fati i fëmijëve në të gjithë Evropën kur të rikthehen në shkolla.
Fëmijët në qytetin verior Tourcoing, pranë kufirit belg mbaheshin larg njëri-tjetrit në zona të shënuara me shkumës.
Tre dhe katër vjeçarët u rikthyen në kopësht pas dy muaj pushimesh, teksa qeveria ka zbutur kufizimet e koronavirusit.
Mësuesi dhe historiani vendas Laurence De Cock shkruante: “Kjo nuk kapërdihet, kjo s’mund të quhet as shkollë as kopësht”.
Ndërsa Lionel Top, gazetari i rrjetit BFM shpejgonte: “Për të respektuar distancën dhe njëkohësisht për t’u zbavitur, mësuesit vizatuan katrorë në tokë. Fëmijët luanin, kërcenin dhe qeshnin bashkë, por nga katrorët e tyre. Kjo nuk konsiderohet si dënim”.
Të tjerë komentues e quanin idenë “absurde” ose “e dalë nga një film horror”.
Zëdhënësi i ministrisë franceze të arsimit tha se nuk kishte udhëzime të tilla specifike për mësuesit, por secili mund të përdorte mënyrat e veta për sigurinë e fëmijëve.
Top Channel
