Mati ka konfirmuar për herë të parë një rast me Koronavirus ditën e sotme, ajo është një vajzë e cila jetonte dhe punonte në një fasoneri në Krujë, nga edhe ku e ka marrë virusin.
Nëpërmjet një statusi në Facebook kryebashkiaku Agron Malaj ka bërë thirrje që njerëzit të qëndrojnë në shtëpi dhe të ruajnë distancën.
Statusi tij:
Fatkeqësisht sot është konfirmuar rasti i parë me COVID-19 në Bashkinë Mat.
Autoritetet vendore kanë marrë të gjitha masat në përputhje me udhëzimet e dhëna për karantinimin e familjes duke plotësuar të gjithë nevojat e tyre. Gjithashtu kemi dezinfektuar banesën dhe ambientin përreth.
Qëndroni në shtëpi, ruani distancimin social dhe higjenën sepse vetëm kështu e mundim këtë virus.
#BashkëDoJaDalim
/Ariglon Pali/
Top Channel
