Një ndihmë humanitare vjen nga Kina drejt Greqisë. 550.000 maska dhe materiale të tjera kanë mbërritur ditën e sotme në Athinë, më një avion të Air China.
Një ndihmë kjo, si pasojë e situatës në të cilën Greqia ndodhet nga përhapja e virusit Covid-19.
Ministri i Shëndetësisë, Vasilis Kikilias, ka falenderuar qeverinë kineze për ndihmën e dhënë.
Veç maskave kishte edhe materiale të tjera, si aspiratorë, mjete teknikë të cilat shërbejnë për të luftuar koronavirusin.
Ndërkohë kujtojmë se numri i të prekurve nga Koronavirusi në Greqi ka shkuar në 495, teksa për 85 prej tyre nuk dihet se si e kanë marrë infeksionin.
Deri më tani janë kryer mbi 7000 teste. 90 pacientë po trajtohen në Spital, ku 20 janë në gjendje serioze. Numri i të vdekurve për shkak të virusit është 9.
Top Channel
