Rregullat bazë të higjienës personale – a ju ndihmojnë të ruheni nga mikrobet?

Përhapja e koronavirusit të ri është një shqetësim i vazhdueshëm.

Rregulli bazë i ekspertëve për parandalimin e infeksionit me COVID-19 është ndjekja e një higjiene të mirë personale dhe familjare.

Përkujdesja ndaj vetes dhe higjiena strikte është një hap thelbësor drejt shëndetit të mirë.

Larja e duarve dhe e gojës por pastërtia në përgjithësi ju ndihmojnë të mbani larg bakteret, virozat dhe sëmundjet.

Higjiena ofron jo vetëm përfitime fizike por edhe mendore.

Nëse dëshironi të minimizoni rrezikun e infeksioneve dhe të përmirësoni shëndetin tuaj, ndiqni udhërrëfyesin e AgroWeb.org për të patur një higjienë sa më të mirë personale.

Lahuni
Lani trupin dhe flokët sa më shpesh.

Trupi gjithë kohës lëshon qelizat e vdekura dhe shpesh ka nevojë për ndihmë që të vetëpastrohet nëpërmjet ujit.

Prisni Thonjtë
Thonjtë duhen prerë vazhdimisht jo vetëm për një paraqitje të rregullt dhe të pastër të dorës por edhe për faktin se ato grumbullojnë shumë baktere.

Goja
Dhëmbët duhen parë pas çdo vakti.

Ato duhen pastruar për të mbajtur larg bakteret e gojës por edhe për të mbajtur mishrat të shëndetshëm.

Duart
Duart larë para dhe pas përgatitjes ose ngrënies së ushqimit.

Ato duhen larë mirë për 20 sekonda me ujë të bollshëm dhe sapun.

Ato duhen larë gjithmonë pasi dilni nga banja, pas kollës, pas tështimës, pas prekjes së plehrave e të tjerë.

Në disa raste të caktuara, larja e duarve duhet shoqëruar me disinfektantin i cili duhet të ketë mbi 60 përqind alkool.

Gjumi
Gjumi është i një rëndësie të madhe për imunitetin.

Kjo do të thotë që duhet të siguroheni që të flini mjaftueshëm 8-9 orë në ditë.

Këto këshilla duhen ndjekur nga të gjithë dhe nëse vëreni dikë që nuk ndjek rregullat bazë të higjienës mund tua mësoni ose t’i informoni për rëndësinë e saj.

Për më tepër, ekspertët këshillojnë që të shmangni kontakteve të ngushta me çdo person që shfaq simptoma të sëmundjeve respiratore, si kollë apo tështima.

Top Channel