Koronavirusi ndryshon ritet fetare! Në Filipine besimtarët ndryshojnë ritualin në kishë
26/02/2020 14:10
Dronët ukrainas godasin objektet e energjisë dhe karburantit, shpërthen në flakë rafineria ruse e naftës 24/04 14:02
Filipinasit thjesht përkulin kokën dhe spërkaten me hi në vend që t’u vizatohet një kryq në ballë, në të mërkurën e hirit, ndërsa bastioni i katolicizmit në Azi po ruhet nga përhapja e koronavirusit.
Liderët e kishës në Filipine i kërkuan priftërinjve të ndryshonin ritin në mënyrë që të reduktojnë rrezikun e përhapjes së virusit që i ka marrë jetën deri më tani më shumë se 2700 personave, kryesisht në kinë. Që nga shpërthimi, që ka rezultuar në tre raste të infeksionit dhe një viktimë në Filipine, kishat u kërkojnë po ashtu besimtarëve të mos kapen dorë më dorë gjatë meshës.
“Kjo më bën të ndjehem e sigurt”, thotë Uendi Tamidles, një studente 19-vjeçare.
Ajo është një nga mijëra njerëzit, disa me maska kirurgjikale, që ishin mbledhur në kishën Baclaran në Manila për meshën, të mërkurën. E mërkura e hirit shënon fillimin e kreshmeve të mëdha, që i paraprijnë pashkës dhe besimtarëve katolikë u vizatohet një kryq me hi në ballë. Filipinet janë një vend katolik ku 80 për qind e banorëve thuhet se janë besimtarë.
Në degën unike të besimit atje, përfshihet edhe inskenimi i përvitshëm i kryqëzimit të Jezu Krishtit. Zyrtarët e kishës kanë rekomanduar të mos puthet apo preket kryqi, gjatë meshave të së premtes së mirë, që është në fakt një praktikë e zakonshme.
Top Channel
