Qindra fermerë të Lushnjes, Fierit dhe Beratit u mblodhën në vendin e njohur si rrethrrotullimi i Savrës.
Ata protestuan për gjendjen e rëndë, që sipas tyre po kalon bujqësia shqiptare. Fermerët ankohen se prodhimet në sera u mbetën pa shitur, sepse nuk ka treg, mungojnë subvencionet dhe çmimi i karburantit për mjetet bujqësore është i shtrenjtë. Kryetari i sindikatës së fermerëve, Eduart Sharka thotë se kërkojnë dialog me qeverinë.
“Pikat që fermerët i kanë paraqitur qeverisë janë ngritja e një laboratori për tokën dhe produktet bujqësore, subvensionimi 100 lekë për litër i qumështit, rregullimi i TVSH-së, shërbimi i agronomisë dhe orientimi i fermerëve, rregullimi me ligje për të marrë fatura nga tregtarë dhe rimbursimi në fatkeqësi natyrore.”
Në fund të protestës, fermerët derdhën qumështin dhe hodhën produktet bujqësore në rrugë. Marshimi i tyre për të bllokuar autostradën Lushnje-Fier u pengua nga efektivët e policisë.
Top Channel
