Kurti për rastin Dehari: Nevojitet hetim i ri, i pavarur e profesional
25/10/2019 11:41
Ishte planifikuar të mbahej sot, anulohet provimi i Magjistraturës për fazën e dytë! Ja kur pritet të zhvillohet 24/04 15:49
Kryetari i Lëvizjes Vetëvendosje, Albin Kurti ka thënë se për rastin Dehari nevojitet hetim i ri, i pavarur e profesional, për ta ndriçuar plotësisht këtë krim, jo vetëm mbi faktet e provat materiale por edhe për procesin e deritanishëm hetues.
Sipas tij, krimit mbi Astrit Deharin në duar të shtetit para 3 viteve i është shtuar padrejtësia e shtetit. Kurti ka shkruar se ekspertët e mjekësisë ligjore nga Instituti i Lozanës në Zvicër e kanë përjashtuar mundësinë e vetëvrasjes së Astrit Deharit.
“Raporti i tyre është shkencor dhe i hollësishëm për nga metoda dhe të gjeturat. Ata kanë konstatuar përfshirjen e personi/ave të tretë. Nevojitet hetim i ri, i pavarur e profesional, për ta ndriçuar plotësisht këtë krim. Jo vetëm mbi faktet e provat materiale. Sepse, duhen hetuar e shqyrtuar rrethanat fizike dhe të tjera të krimit, si dhe procesi i deritanishëm hetues. Sepse, duhen hetuar njerëzit përgjegjës, çka kanë bërë, si e kanë bërë dhe çka nuk kanë bërë. Krimit mbi Astritin në duar të shtetit para tri vjetëve i është shtuar padrejtësia e shtetit tash e tri vjet. Drejtësia për Astritin nuk ka alternativë. Është në pyetje asgjë më pak se e drejta për jetë e qytetarit të Republikës”, ka shkruar ai.
Vdekja e aktivistit të Vetëvendosjes/ Prokuroria do të rinisë hetimet për 26 vjeçarin që ndërroi jetë në burg
Vetëvendosje tregon pse u vra Astrit Dehari
Vdekja e aktivistit të Vetëvendosjes, Astrit Dehari- Ja ç’shkruhet në ekspertizën e Zvicrës
Top Channel
