A jeni dakord me dënimin për Tahirin? Ja si u përgjigjën qytetarët në sondazh
27/09/2019 13:04
Nga martesa te hapja e dyerve të mortit brenda një muaji… vrasja e efektivit të “Shqiponjave” u fiksua e gjitha në kamera 13/05 18:55
“A jeni dakord me dënimin e dhënë për Saimir Tahirin?” Kjo ishte pyetja e shtruar në sondazhin e Top Channel, pas vendimit të dhënë nga Gjykata e Krimeve të Rënda për ish-ministrin e Brendshëm.
4726 qytetarë dhanë mendimin e tyre mbi këtë çështje, ku shumica e konsiderueshme, 73.95% e tyre votuan se nuk ishin dakord me dënimin e dhënë për ish-ministrin, ndërsa 26.05% e tyre votuan pro.
Saimir Tahiri u dënua me 3 vite shërbim prove për akuzën e shpërdorimit të detyrës. Gjykata rrëzoi akuzat e Prokurorisë ndaj ish-ministrit për “trafikim i narkotikëve” në bashkëpunim në formën e grupit të strukturuar kriminal, “kryerja e veprave penale nga organizata kriminale”, “grup i strukturuar kriminal”.
Ditën e djeshme ishte Peter Beyer, përfaqesues i CDU/ CSU, që foli në Bundestag edhe për çështjen Tahiri duke thënë se “nuk na hidhni dot hi syve me atë dënim”.
Ndërkohë, në faqe është hapur sondazhi i ri: “A mund të plotësohen në kohë 9 kushtet gjermane për Shqipërinë?”
Top Channel
