Jo vetëm “ylli” i Milanit, Bayerni synon t’i “rrëmbejë” dy lojtarë Guardiolës 24/05 15:52
Diego Armando Maradona kthehet të flasë për veten. Sigurisht jo për bëmat e tij në fushën e blertë, por për shëndetin, që po e shqetëson prej kohësh.
“El Pibe de Oro” është shtruar në një klinikë për t’u kuruar nga pagjumësia. I është nënshtruar një terapie duke marrë ilaçe për 4 ditë e 4 netë. Por cili është problemi i legjendës argjentinase të futbollit?
“Unë isha duke vdekur, ndërsa ato blinin apartamente në Miami…”
Maradona u referohet vajzave të tij, me të cilat ka patur probleme të vazhdueshme. Shtrimi në një klinikë të Buenos Airesit ka qenë i programuar, pra nuk ka qenë diçka e papritur, por është vetëm shqetësimi i fundit me të cilin Maradona është përballur. Pas problemeve që shfaqi në ndeshjen Argjentinë-Nigeri në “Rusi 2018”, ai iu nënshtrua një ndërhyrjeje në sistemin tretës për shkak të hemorragjisë.
Problemet me pagjumësinë mësohet se i janë shfaqur për shkak të marrëdhënieve të tensionuara me vajzat e tij. Arsyet janë ekonomike, sepse ato kanë patur kërkesa të vazhdueshme për të zbrazur xhepat e tij. “Herën e fundit, kur u takova me vajzat, ato më kërkuan ca dollarë,” – i është hapur Maradona mikut dhe avokatit të tij, Matias Morla. – “Prej kohësh nuk arrij të fle. Nuk po them se vajzat e mua po zbrazin bankën, por ato duan të ndryshojnë realitetin, jetën time.”
Kurat e mëparshme nuk kanë dhënë efektet e pritshme, kështu që Maradona nisi këtë terapi që e vuri në gjumë për 4 ditë e 4 net rresht.
Top Channel
