Organizata anarkiste “Rubikon” ka gjetur një mënyrë aspak të këndshme për të shprehur kundërshtinë e saj, për mosdhënien e një lejeje të posaçme për ekzekutorin e organizatës terroriste “17 Nëntori”, Dimitris Kufodinas.
Anëtarë të kësaj organizate hodhën bojë të zezë dhe një bombë tymuese jashtë banesës së ambasadorit amerikan në Athinë.
Sipas organizatës, anëtarë të saj mundën të thyejnë kordonin e sigurisë dhe, pasi hodhën parulla dhe lyen me bojë të zezë muret e banesës së ambasadorit, mundën të largohen pa u shqetësuar. Madje, vet organizata publikoi një video të operacionit të kryer prej anëtarëve të saj rreth orës 4 të mëngjesit.
Qeveria greke dënoi aktin e paprecedentë dhe premtoi dërgimin e anëtarëve të organizatës përpara drejtësisë. Vet amabasadori amerikan, Pyatt publikoi në Twitter lajmin e sulmit.
Kalimera, I woke up to more childish vandalism this morning outside the residence and will continue to work with Greek authorities to punish the culprits according to law. Destruction of property is not peaceful protest.
— Geoffrey Pyatt (@USAmbPyatt) May 15, 2019
Refuzimi i lejes disaditore për të dalë nga burgu për Dimitris Kufodinas ka sjellë reagime të ashpra në radhët e anarkistëve dhe militantëve të majtë grekë, të cilët thonë se Kufodinas i janë shkelur të drejtat. Kufodinas është dënuar me 12 burgime të përjetshme për 12 vrasje të kryera prej organizatës famëkeqe terroriste, aktiviteti i së cilës përfundoi në vitin 2003.
Më herët, anarkistët kishin sulmuar me bomba molotov dhe gurë forcat e rendit në zonën “Eksarkia” të Athinës.
Top Channel
