Rumania mban zgjedhjet presidenciale/ 13 kandidatë në garë për postin e kreut të shtetit 24/11 09:43
Politikani gjerman i ekstremit të djathtë, Markus Frohnmaier mund të kthehet në një ligjvënës të kontrolluar tërësisht nga Rusia.
Dokumente ruse, që kanë rënë në duart e BBC-së tregojnë se Frohnmaier, anëtar i “AfD”-së, figuron aty si person që mund të influencohet.
Dokumentet datojnë prillin e vitit 2017. Asokohe, ai ishte thjesht kandidat për t’u zgjedhur në “Bundestag”, ku arriti të hynte më pas shtatorin e po atij viti.
Më kryesori prej tyre, i shkruar në rusisht, është praktikisht një draftstrategji, e cila përcjell në detaje përpjekjet për të ndikuar mbi opinionin publik dhe vendimmarrjen në mbarë BE-në, lidhur me tema të tilla si Krimeja, Ukraina dhe sanksionet e BE-së kundër Rusisë.
Në fund ka diçka më specifike. Te pjesa e shënuar “zgjedhjet në Bundestag”, dokumenti përcaktonte një kandidat: Markus Frohnmaier. Aty thuhej se mundësitë e tij për të hyrë në Parlamenti ishin të larta, ndërsa ajo që kërkohej ishte mbështetje gjatë fushatës elektorale.
Vet Frohnmaier, i cili ka folur shpeshherë kundër sanksioneve europiane ndaj Moskës dhe ka bërë udhëtime në Krime e në territoret ukrainase të aneksuara nga Rusia në vitin 2014, i tha BBC-së se nuk kishte asnjë dijeni mbi këto dokumente.
Top Channel
Rumania mban zgjedhjet presidenciale/ 13 kandidatë në garë për postin e kreut të shtetit 
