“Top Talent Backstage” nis sot dhe do të jetë çdo të hënë, të mërkurë dhe të premte në kanalin e Top Channel në YouTube.
Aplikantët e sezonit të dytë të këtij talent show do të intervistohen, përpara dhe pas zhvillimit të audicionit të tyre të parë.
Rreth 650 persona nga Shqipëria, Kosova dhe Maqedonia, që kanë aplikuar në kategoritë: gazetar, prezantues e interpretues i përgjigjen çdo pyetjeje në backstage pa asnjë kompleks si dhe tregojnë ambiciet e tyre në konkurrim.
Parapërgatitjet, emocionet, lotët, humori, batutat, por edhe nervozizmi i secilit prej konkurentëve do të jenë pjesë e ”Top Talent backstage”, rubrikë e cila është e konceptuar të jetë në formën e një “reality”.
Si do të arrinë të bindin jurinë për të kaluar çdo fazë konkurrimit? Cili prej konkurentëve është i bindur që do të arrijë në mbrëmjen finale? Kush do të jenë personazhet më të rinj në media?
Na ndiqni në kanalin e Top Channel në YouTube dhe zbuloni se çfarë ndodh në backstage në fazën parapërgatitore të Top Talent.
Ky spektakël nis transmetimin në prime time në fillim të muajit maj në ekranin e Top Channel.
Top Channel
