“Më hodhën si plehrë, kisha tre fëmijë jetimë për të rritur”! Rrëfimi i polices së burgut që u pushua nga puna pa të drejtë 27/04 19:08
Toni dhe Rigert Karaj, janë dy vëllezër nga Tirana, që prej më shumë se 25 vitesh jetojnë në Gjermani, ku edhe emigruan nëpërmjet ambasadave, bashkë me nënën e tyre.
Ata kanë emigruar kur ishin fëmijë, por sot për shkak të profesionit të tyre si picajolë, njihen jo vetëm në Gjermani, por edhe në shumë vende të Europës e botës.
Toni, tashmë 37-vjeçar, ishte i pari që mësoi artin e përgatitjes së picave, para 12 vitesh dhe që prej asaj kohe, e ka ushtruar profesionin në restorante të njohura gjermane.
Disa vite më vonë “tundimit’ për të mësuar këtë profesion, nuk i rezistoi as vëllai i tij Rigerti, i cili tashmë është 32 vjeç dhe prej më tepër se 4 vitesh punon si picajol.
Të dy vëllezërit janë mjaft të njohur për artin që bëjnë me brumin e picës, të cilin nuk ngurojnë ta demonstrojnë thuajse çdo natë në ambientet ku punojnë.
Toni punon në një restorant mjaft të njohur Frankfurt, ndërsa vëllai i tij, Rigerti, ushtron profesionin në një restorant në sheshin Alexanderplatz të Berlinit, ku ndihmohet edhe nga shefi i sallës, Bedri Ahmeti, edhe ky një shqiptar nga Tetova.
Ata argëtojnë klientët me numrat e shpejtësisë me brumin, para se t’ju përgatisin picat e shijshme, ndërsa fama e tyre, prej vitesh i ka kaluar kufijtë e Gjermanisë.
Si Toni, ashtu edhe Rigerti, janë ftuar të marrin pjesë në inaugurimin e shumë picerive në qytete si Barcelona, Parisi, etj., ku dhurojnë “shoë” për të pranishmit, me artin që ata zotërojnë.
Top Channel
