Misioni Artemis II thyen rekordin historik të Apollo 13, astronautët arrijnë pikën më të largët nga Toka 06/04 20:46
Irani tha të martën se kishte arritur deri tani të shesë aq naftë sa edhe ka nevojë, pavarësisht presionit të SHBA-ve, por u bëri thirrje vendeve europiane të kundërshtojnë sanksionet e Shteteve të Bashkuara dhe të bëjnë më shumë për të mbrojtur Iranin, pasi Rusia dhe Turqia gjithashtu shprehën kundërshtimet e tyre.
Shtetet e Bashkuara të hënën restauruan sanksionet që synonin sektorin e naftës, bankave dhe transportit të Iranit, dhe kërcënuan për më shumë veprime për të ndaluar atë që Uashingtoni e quajti politikat e saj “të jashtëligjshme”, hapa që Teherani i quajti “luftë ekonomike” dhe u zotua t’i sfidojë.
Masat janë pjesë e një përpjekje më të gjerë nga Presidenti i SHBA Donald Trump për të frenuar programet bërthamore të Teheranit dhe për të zvogëluar ndikimin e Republikës Islamike në Lindjen e Mesme, sidomos mbështetjen e saj për grupet rebele në Siri, Jemen dhe Liban.
Trump po synon burimin kryesor të të ardhurave të Iranit – eksportet e saj të naftës – si dhe sektorin financiar, duke bërë që 50 banka iraniane dhe filialet e tyre jashtë kufijve, të humbin qasjen ndaj sistemit financiar të SHBA-ve.
Top Channel
