Ish-ministri i Brendshëm, Fatmir Xhafaj është shfaqur përkrah Erion Veliajt, në një takim me banorë të njësisë 10, duke shprehur mbështetjen ndaj kryetarit të Bashkisë në zgjedhjet e ardhshme. Veliaj ka nisur dëgjesat publike për projekt buxhetin e vitit të ri të bashkisë së Tiranës
Sipas Xhafajt, Veliaj është nga ata persona që vijnë në pushtet, jo sa për të kapur një karrige, por për të shërbyer, e që duan të lenë një gjurmë përmes kësaj mundësie.
“Ka njerëz që ulen në një karrige dhe janë të kënaqur se kanë kapur një karrige; ka njerëz që marrin pushtet dhe janë të lumtur që janë të pushtetshëm; ka njerëz që vijnë për të shërbyer, që kanë një mision që duan të lenë një gjurmë përmes mundësisë që u jep pushteti dhe ky është Erion Veliaj! Katër vjet më parë na është dashur të flisnim se kush është Erion Veliaj, kurse sot nuk na duhet fare të flasim sepse ai dhe ekipi i tij duhet të tregojnë çfarë punësh kanë bërë dhe janë duke bërë”, u shpreh ai.
Top Channel
