“Luajtja bixhoz me marrëdhëniet me aleatët nuk i bën nder Kosovës”, Presidentja Osmani ashpërson gjuhën ndaj Kurtit: Asnjëherë s’i kam kuptuar talljet ndaj partnerëve
21/11 12:00
Kosova i afrohet edhe më shumë lëvizjes pa viza. Komiteti i Parlamentit Europian për Liritë qytetare, Drejtësi dhe Punë të brendshme, i njohur si Komiteti “LIBE”, votoi të enjten në favor të liberalizimit të vizave për qytetarët e Kosovës.
Me 30 vota pro, 10 kundër dhe dy abstenime, ai e kaloi çështjen te Këshilli Europian dhe Parlamenti Europian, dy institucionet e tjera nëpër të cilat duhet të kalojë çështja, në mënyrë që procesi të përmbyllet.
Raportuesja për Kosovën në këtë komision, Tanja Fajon tha se “ky është një hap i rëndësishëm për të afruar Kosovën me Europën dhe për të thyer izolimin”.
Komisioneri i BE-së për Emigracionin, Dimitris Avramopoulos mirëpriti vendimin, duke shfaqur shpresën se shumë shpejt do të vijë koha që i gjithë rajoni i Ballkanit Perëndimor do të jete pjesë e regjimit të udhëtimit pa viza.
Votimi është përshëndetur edhe nga autoritetet më të larta në Kosovë. Presidenti Hashim Thaçi foli për një vendim të drejtë, që e afron vendimin final të heqjes së çdo pengese të lëvizjes së lirë për qytetarët e Kosovës në zonën “Schengen”.
Kryeministri Ramush Haradinaj është i sigurtë se procesi i liberalizimit të vizave do të përfundojë me sukses, ndonëse nuk jep ndonjë afat kohor. Ndërsa kryetari i Parlamentit, Kadri Veseli shprehu bindjen se lëvizja e lirë do të mund të realizohet brenda vitit.
Më 18 korrik, Komisioni Europian dha rekomandimin e parë pozitiv për liberalizimin e vizave, duke theksuar se Kosova i ka përmbushur të gjitha kushtet nga procesi i dialogut për këtë çështje.
Top Channel
