Stafeta e zjarrit olimpik/ Pas nisjes nga Olimpia, flaka qëndron në akropolin e Athinës
20/04 14:07
Në një fjalim të karakterizuar nga humori dhe autoironia, presidenti amerikan u përpoq të çdramatizonte kaosin që ka përfshirë Shtëpinë e Bardhë.
Ai u tall me bashkëpunëtorët dhe gruan e tij në darkën e përvitshme me politkanët dhe gazetarët ne Uashington.
“Asnjë tjetër nuk është aq autoironik sa unë”, tha kreu i Shtëpisë së Bardhë, i cili më pas ironizoi lidhur me hetimet ku janë të përfshirë bashkëpunëtorët e tij, mes të cilëve dhëndri Jared Kushner.
“U vonuam sot, pasi Jared nuk kalonte dot përmes rojeve të sigurisë”, pohoi Trump. Në shënjestër të batutave të tij u vu edhe prokurori i Përgjithshëm, Jeff Sessions.
Duke iu referuar vendimit të Sessions për t’u tërhequr nga drejtimi i hetimeve mbi lidhjet e mundshme të Trumpit me Rusinë, presidenti tha se i kishte ofruar prokurorit ta shoqëronte në aktivitetin e së shtunës, por ai ishte tërhequr edhe në këtë rast.
Sa i përket çështjes së largimeve nga Shtëpia e Bardhë…
“Tani të gjithë më pyesin vazhdimisht. Kush është personi i radhës që do të largohet? Steve Miller apo Melania”, tha Donald Trump.
Për ish-kryestrategun e tij, Steve Bannon, Trump deklaroi se prej tij kishte pasur më shume rrjedhje informacionesh sesa nga Titaniku.
Kreu i Shëpisë së Bardhë shtoi gjithashtu se zyrtarë të Koresë së Veriut e kishin telefonuar disa ditë më parë për t’i thënë se ishin të hapur për bisedime. “U thashë se edhe ne jemi, por fillimisht duhet të çarmatosen”, ishte komenti i Trump.
Megjithatë nuk u kuptua nëse edhe në këtë rast bëhej fjalë për një shaka.
Top Channel
