Prezantohet “EA Sports UFC 3”
06/11/2017 13:37
EZ5 Energy zgjedhja e duhur në tregun e energjisë së rinovueshme 24/11 16:44
Electronic Arts ka prezantuar video-lojën “EA Sports UFC 3”, me Conor McGregor si yllin e kopertinës.
Kjo lojë do të jetë e disponueshme nga data 2 shkurt 2018 për Xbox One dhe PS4. Electronic Arts ka përdorur për krijimin e UFC 3 teknologjinë e re të “Real Player Motion”, për të ofruar “lojën më të rrjedhshme në historinë” e UFC.
Drejtori krijues i “EA Sports UFC 3”, Brian Hayes, ka thënë: “Teknologjia e re na ka lejuar që të bëjmë një hap të madh përpara përsa i përket lëvizjeve dhe reagimeve. Rezultati do të shihet në ndryshimin e madh të stilit të lojës, ku çdo lëvizje është strategjike dhe gjithçka duket më reale”.
Video-loja do të ketë edhe një karrierë që do të titullohet “Më i miri i historisë”, ku vendimet që do të marrë vetë lojtari jashtë oktagonit do të jenë po aq të rëndësishme sa ato brenda. Pak a shumë, do të jetë si udhëtimi i Alex Hunter në “FIFA”.
Top Channel
