Sidoqë të shkojë rezultai në fushë, derbi i “Madoninës” do të jetë një rekord. Përballja emocionuese mes Interit dhe Milanit këtë të dielë ka regjistruar shitjen e 80 mijë e 18 biletave për sfidën që do të zhvillohet në stadiumin “San Siro”, e që premton një atmosferë elektrizuese.
Plot 4.6 milionë Euro fitim ka ardhur nga interesimi i jashtëzakonshëm i tifozëve për të qenë prezent në shkallët e impiantit milanez, ndërsa dhe grupimet përkatëse kanë premtuar koreografi unike. 7 javët e para të Serisë A kanë patur një mesatare prej 23 mijë e 730 tifozësh në çdo ndeshje, një shtim domethënës krahasuar me 3 sezonet e fundit. Por duket se përballja Inter-Milan do ta ngrejë disi nivelin e shikuesve në futbollin italian.
4 javët e fundit kanë shënuar rritje krahasim me startin e Serisë A dhe duket se në “Apenine” është rikthyer dëshira e njerëzve për një fundjavë feste në futboll. Të ardhurat e klubeve varen kryesisht nga sponsorët dhe të drejta televizive, por një çek 4.6 muilionë Euro si ky derbit të Milanos, është një luks edhe për ekipet më të mëdha europiane.
Top Channel
