Fshati misterioz
12/10/2016 00:00
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Në një vend të madh si Kina ka hapësira të bollshme edhe për ide të çuditshme, e njëra prej të cilave është një fshat sa i pasur, aq edhe misterioz, të paktën për ata që jetojnë jashtë tij.
Bëhet fjalë për fshatin Huaxi, që shtrihet në një hapësirë prej 97 hektarësh. 5 dekada më parë ai ishte si gjithë zonat e tjera të vendit komunist me banorë të varfër që mezi siguronin bukën e përditshme.
Një ide e Wu Renabo, ish-sekretar i Partisë Komuniste për këtë provincë, do të ndryshonte përgjithmonë jetën e banorëve vendas dhe do ta shndërrontë fshatin në një prej zonave më të lakmuara të Kinës.
Luksi nuk është i vetmi favor që u bëhet banorëve të fshatit. Ata kanë drita, ujë, shërbim shëndetësor dhe gjithë shërbimet e tjera falas. Megjithatë, të gjitha këto vijnë me një kosto të madhe; atë të lirisë.
Që të bëhesh banor i fshatit ka filtra të fortë, fillimisht politikë e më pas edhe ekonomikë e socialë. Së pari duhet që në llogarinë bankare të mos kesh nën 250 mijë dollarë, së dyti të punosh 7 ditë të javës, së treti të heqësh dorë nga shfaqja në publik, pasi ndalohet që të flasësh për mediat.
Të gjitha këto janë kushtet për të qenë banor i Huaxisë dhe me t’u plotësuar problem më vete është edhe shkëputja. Nga fshati mund të largohesh, por vetëm duarbosh, pasi banorëve që zgjedhin ta lënë atë, u ndalohet që të marrin me vete pasurinë që kanë aty.
Top Channel
