Sirianët, Rama: Rol sipas mundësisë
18/03/2016 13:55
Protesta e opozitës, Berisha nxjerr videon: Qytetarët u spërkatën me lëndë djegëse 26/11 20:56
Shqipëria është gati të luajë rolin e vet në krizën e refugjatëve sirianë, por kjo e kushtëzuar sipas mundësive që ka vendi.
Ky ishte mesazhi i përcjellë nga kryeministri Edi Rama për Komisionerin Avramopulos në takimin e zhvilluar këtë të premte.
Rama priti Komisionerin e Emigracionit të Bashkimit Europian dhe tema e takimit ka qenë kriza e refugjatëve.
Nga ana e tij, Avramopulos deklaroi se Shqipëria nuk është e vetme në këtë krizë dhe se në krah do të ketë Bashkimin Europian.
Pas mbylljes së kufirit nga ana e Maqedonisë, mijëra emigrantë të bllokuar në Greqi po shohin gjithnjë e më shumë si alternativë territorin shqiptar si urë lidhëse drejt vendeve Perëndimore. Lëvizjet e para kanë nisur dhe në pranë kufirit shtetëror Shqipëri-Greqi janë vendosur qindra sirianë, që presin rezultatin e punimeve të samitit të BE-së për çështjen e emigracionit.
Top Channel
