Ministri i Drejtësisë Ylli Manjani, ka qënë i ashpër me kryetarët e gjykatave, teksa ka deklaruar se gjyqtarët për çështje të caktuara paracaktohen, edhe pse ka një sistem elektronik të përzgjedhjes.
Këtë deklaratë, Manjani e ka bërë pas një takimi me përfaqësues të misionit Euralius, ku është diskutuar pikërisht reformimi i sistemit gjyqësor.
“Nuk rritet besimi tek gjyqësori kur dihet paraprakisht se kush do jetë gjyqtari. Është i domosdoshëm përdorimi i sistemit elektronik për hedhjen e shortit nga gjykata”, ka thënë Manjani.
Ai ka nënvizuar se, “të gjitha gjykatat duhet të përdorin të njëjtin sistem si pjesë e gjyqësorit shqiptar”.
Top Channel
