E ka mbyllur me humbje Skënderbeu aventurën në Europa League, në kompeticionin ku arriti të marrë vetëm 1 fitore ne 6 ndeshje.
Kampionet e Shqipërisë u mundën 0-3 në “Elbasan Arena” nga Lokomotiva e Moskës, skuadër kjo që kualifikohet ne raundin tjetër.
Pavarësisht se kërkonin fitoren për të rritur financat dhe prestigjin e skuadrës, korçarët e drejtuar nga Mirel Josa janë treguar shumë të vakët në sulm duke mos rrezikuar asnjëherë portën kundërshtare.
Tarasov në pjesën e pare, Niase dhe Samedov në fundin e ndeshjes ishin autoret e golave të fitores së rusëve të cilët falë këtij suksesi kalojnë në fazën tjetër të Europa League-s si të parët e Grupit H.
Skuadra tjetër që i bashkohet Lokomotivës në raundin tjetër është Sportingu i Lisbonës, i cili mposhti 3-1 Beshiktashin në Portugali.
Top Channel
