Në këtë të martë të rubrikës së re “Dahlin” në “Pasdite në Top Channel”, dedikuar personazheve që frymëzojnë me historitë dhe aktivitetet e tyre, atyre që ndryshojnë botën pa kërkuar asgjë në këmbim, jemi njohur me Blerta Haxhillari Llacen, atë që u shndërrua nga sanitare në piktore.
Në një kompeticion artistik të përvitshëm, që zhvillohet në Principatën e Monakosë nga Lentrepot-Monaco.com, president i të cilit është Daniel Boeri, këtë vit morën pjesë përfaqësues nga shumë vende si: SHBA, Rusia,Suedia, Franca, Italia por edhe nga Shqipëria.
Ishte pikërisht Blerta Haxhillari Llace, nga Elbasani, e cila është përfaqësuar me dinjitet si një piktore në finalen e madhe, për pikturën e titulluar “Zemra e nënës”, në kompeticionin “Parajsa e humbur”, por që në të vërtetë, hapat e parë nuk i ka hedhur te piktura, por si punonjëse e Repartit të Distrofisë, e më pas si sanitare.
Piktura e saj u vlerësua mes shumë konkurrentëve, rreth 120, prej të cilëve u përzgjodhën nga një juri profesioniste 33 finalistë, ku bënte pjesë edhe Blerta. Piktura ra në sy për tematikën, por edhe për realizimin e veçantë dhe simbolikën që përfaqëson.
Top Channel
