Një balerinë profesioniste me një shenjë të madhe lindjeje në fytyrë beson se ka qenë pikërisht kjo shenjë ajo që e ka bërë të veçantë në profesionin e saj.
22-vjeçarja Cassandra Naud, nga Alberta e Kanadasë, thotë: “Shenja e lindjes është pjesë e imja. Më bën unike dhe i ngelem në mendje njerëzve. Kjo gjë është shumë e rëndësishme për karrierën që kam zgjedhur.”
Kur Cassandra lindi me një shenjë të madhe në faqen e saj të djathtë, mjekët i thanë prindërve të saj se ekzistonte mundësia që t’ia hiqnin, por duke vepruar në këtë mënyrë, vajzës do i mbetej një shenjë plage në faqe për gjithë jetën.
Sot, balerina kanadeze është shumë e lumtur që prindërit nuk e pranuan operacionin: “Jam shumë e lumtur që prindërit e mi vendosën që mos të ma hiqnin shenjën e lindjes. Është pjesë e imja, më bën të veçantë. Kurrë nuk jam ndjerë e penguar nga shenja që kam.”
Shenja në faqe nuk e ka penguar vajzën kanadeze që të gjejë dashurinë. Aktualisht, ajo është e lidhur me 21-vjeçarin Patrick Cook, të cilin e ka takuar para 8 muajsh në Los Angeles.
“U takuam në një audicion dhe jemi të pandashëm. Ai gjithmonë më thotë që jam shumë e bukur”, tregon Cassandra.
Top Channel
