4 shkurti, dita botërore kundër kancerit
04/02/2015 00:00
Hani këto ushqime në mëngjes për të shmangur urinë disa orë më vonë… 11/08 07:38
Skema e ngjyrave
Madhësia e shkrimit
Kanceri është një nga shkaqet kryesore të vdekjes sot në botë, sidomos në vendet në zhvillim. Në vitin 2008 u llogaritën rreth 7.6 milionë vdekje, ndërsa në vitin 2030 kjo shifër mund të arrijë në 13.1 milionë.
Në ditën botërore kundër kancerit organizatat e shëndetësisë bëjnë apel për më shumë kontrolle pasi 1.5 milionë jetë mund të shpëtohen çdo vit nëse merren masa të rëndësishme për të luftuar kancerin.
Rreth 30% e vdekjeve nga kanceri ndodhin për shkak të rreziqeve kryesore të mënyrës së jetesës dhe sjelljes si mbipesha, konsumimi i pakët i frutave e perimeve, mungesa e aktivitetit fizik, përdorimi i duhanit, përdorimi i tepruar i alkoolit etj.
Në mbarë botën, llojet kryesore apo më të zakonshme të kancerit që vrasin njerëzit janë: kanceri i mushkërive, stomakut, mëlçisë, i zorrës së trashë, i gjirit dhe kanceri i qafës së mitrës.
Në Shqipëri regjistrohen rreth 3500 raste të reja të kancerit çdo vit. Sipas INSTAT, vdekjet nga tumoret zënë vëndin e dytë në strukturën e vdekshmërisë së përgjithshme me 16%. Gjithashtu, 87.8% e vdekjeve nga tumoret janë mbi moshën 50 vjeç.
Top Channel
