Ja profesionet që kanë të nevojshme psikologun

Një studim i bërë nga profesori i Psikologjisë në Universitetin e Oksfordit, Kevin Dutton, liston disa nga profesionet me rrezik më të lartë të paqëndrueshmërisë mendore. Kampionimi i 500 vullnetarëve ka bërë një renditje të 10 profesioneve, që manifestojnë sjellje, ku prezenca e psikologut është e nevojshme.

Por, cilat janë këto profesione?

– Së pari, puna e zyrës. Shumë njerëz e konsiderojnë të mërzitshme, monotone dhe pa asnjë emocion. Ndoshta, për shkak të përsëritjes së të njëjtin ritual çdo ditë, mund të çojë një person drejt çmendurisë.

– Të gatuarit. Sipas studimit, në kuzhinë ka rreziqe jo pak të vogla të shëndetit mendor, ndaj do të ishte mirë të mos bëheshit “shef” apo ta kthenit gatimin në profesionin e jetës.

– Priftërinjtë. As delegatët e Zotit nuk i shpëtojnë listës së profesioneve me rrezik. Të dëgjuarit e të gjithë problemeve të njerëzve gjatë rrëfimit, mund të jetë shkak për çrregullime, edhe pse më të ngadalta.

– Punonjësit e policisë janë pashmangshmërisht të pa përjashtuar nga rreziku. Kjo, pasi çdo ditë përballen me stresin e përdishëm dhe njerëzit.

– Gazetaria. Profesioni-mision mund të turbullojë ata që e ushtrojnë. Historitë e njerëzve mund të qëndrojnë brenda teje më shumë se ç’duhet, ndaj mendoheni dy herë përpara se ta zgjidhni.

– Kirurgët. Ata kanë në dorë çdo ditë jetën tonë. Do ishte absurde të mendoje se kirurgët nuk janë të stresuar.

– Tregtia. Puna e përditshme me njerëzit dhe shit-blerjet mund të të ezaurojnë psikologjikisht, kështu që mos u kënaqni nga paratë që fitoni, por gjeni paqe me veten.

– Spikerët/et e lajmeve. Nëse mendoni se të qenit para kamerës është e lehtë, gaboheni. Ata kujdesen për çdo gjë deri në detaj dhe kjo nuk kalon pa stres.

– Avokatët. Mund të jenë të pasur, deri diku, por studimi thotë se ata çohen shumë shpesh natën për zhurmën më të vogël, dhe kjo për shkak të shqetësimeve nga puna.

– Në fund janë administratorët e deleguar, të cilët i nënshtrohen një përgjegjësie dhe presioni shumë të madh nga eprorët e tyre, duke bërë që të jenë shumë të stresuar.

Doni të jeni të qetë? Atëherë mendojeni dy herë përzgjedhjen e punës së ardhshme.

Top Channel