Nintendo ka bërë të ditur se nuk do të lejojë lojtarët të luajnë si personazhe homoseksuale në lojën Tomodachi Life.
Një fans i lojës kishte nisur një fushatë në rrjetet shoqërore duke i kërkuar Nintendos të lejonte marrëdhëniet mes personave të të njëjtit seks në këtë lojë që është pak a shumë një simulim i jetës së vërtetë.
“Opsioni i marrëdhënies në lojë përfaqëson një botë alternative dhe jo jetën e vërtetë. Shpresojmë që fansat tanë ta shohin lojën si një mënyrë zbavitjeje dhe jo si një përpjekje për t’i dhënë mesazhe shoqërisë”, tha në një komunikatë Nintendo-ja.
Tomodachi Life ka pasur një sukses të madh në Japoni dhe firma ka vendosur që këtë lojë ta lançojë gjithashtu në SHBA dhe Europë.
Top Channel
