Selfie teksa nget makinën
29/04/2014 00:00
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Të vdesësh për një mesazh në Facebook të shkruar teksa nget makinën dhe
për një selfie. Nuk është një fushatë e re e shokuese publicitare, por
ajo që i ka ndodhur një drejtueseje në Karolinën e Veriut të Shteteve të
Bashkuara.
Courtney Ann Sanford, sipas raportimeve të “New York Daily News”, ka vdekur si pasojë e një përplasjeje ballore me një kamion, një sekondë pas postimit të fundit në rrjetin social.
Kronologjia e profilit të saj në Facebook flet qartë: Courtney ka publikuar në 08:33 të mëngjesit frazën “Këngët e bukura më bëjnë të lumtur”, duke iu referuar këngës së Pharrell Williams, dhe një minutë më pas ka ardhur telefonata e emergjencës në çentralin e policisë.
Dinamika e aksidentit është e qartë: drejtuesja është hetuar duke shkëputur shikimin nga rruga dhe ka hyrë në karrexhatën e kundërt, prej nga vinte dhe mjeti i rëndë, drejtuesi i të cilit ka shpëtuar i palënduar.
Për më tepër, nga hetimet ka rezultuar se vajza sapo kishte publikuar “selfie” të shumta teksa ishte në timon.
Top Channel
