Londër, 3 gra lirohen pas 30 vitesh pengmarrje
21/11/2013 16:45
Rusia kryen sulm masiv ndaj sektorit të energjisë të Ukrainës 28/11 09:04
Tre gra të mbajtura në kushte skllavërie prej më shumë se 30 vitesh u
liruan nga banesa në të cilat mbaheshin peng në Londrën Jugore,
informuan të enjten mediat britanike.
Dy të dyshuar për pengmarrjen dhe mbajtjen e grave në gjendje skllavërie u arrestuan.
Të arrestuarit, një burrë dhe një grua janë të dy të moshës 67-vjeçare.
Policia britanike bëri të ditur se një organizatë bamirësie mori një thirrje për ndihmë nga një prej grave të izoluara gjatë muajit të shkuar.
Denoncuesja i tha organizatës së “Freedom Charity” se ishte rrëmbyer dhe mbahej peng prej më shumë se tre dekadash.
Që prej marrjes së telefonatës, policia nisi kërkimet për lokalizimin e adresës dhe planifikoi me imtësi ndërhyrjen.
Tre gratë e çliruara nga rrëmbimi janë një 69-vjeçare, shtetase malajziane, një 57-vjeçare irlandeze dhe një 30-vjeçare, e cila besohet te kete lindur ne kushtet e skllaverise, si rrjedhore e abuzimit seksual te irlandezes.
Të treja grate u përcaktuan nga policia si “tejet të traumatizuara” dhe po marrin ndihme psikologjike.
Hetime të mëtejshme janë duke u zhvilluar, ndërsa detaje rreth ngjarjes po zbardhen orë pas ore.
Top Channel
