Sherr për një balonë, 12-vjeçarin e djegin të gjallë
01/10/2013 00:00
Një djalë 12-vjeçar indian është djegur i gjallë nga dy persona pas një sherri për një balonë.
Vidhu Jain, djali i një shitësi balonash në Sangrur, është rrëmbyer nga dy burra kur po shkonte tek shkolla e vëllait më të madh për t’i dërguar ushqim dhe është parë nga disa njerëz duke vrapur nëpër rrugë i përfshirë nga flakët.
Kalimtarët e rastit e dërguan menjëherë në spital, por djaloshi nuk i mbijetoi dot plagëve të shumta.
Para se të vdiste, 12-vjeçari i ka thënë policëve se nuk i njihte vrasësit me emër, por kishte debatuar ashpër me ta para tre ditësh për një balonë.
Policia e distriktit Sangrur ka bërë të ditur se po punon për identifikimin e këtij krimi makabër.
Top Channel