Inxhinjeri shqiptar i aerokozmikës

Mjafton ta duash atë që ben, për të krijuar objekte të cilat shumë njerez nuk do të merrnin mundimin as t’i mendonin.

Flladian Rrullo është një 27-vjeçar  me një pasion paksa marramendës.

Djali, i cili ka përfunduar studimet për inxhinieri aerokozmike në Milano, dëshiron të bëhet projektues e zbatues i konstruksioneve të avionëve.

Zgjedhja e kesaj dege studimesh nuk është e rastësishme. Në vitin 2004, djaloshi zuri vendin e parë në Olimpiaden Kombëtare të Fizikës në rang vendi.

Po këtë vit, përfaqeson Shqipërinë në Olimpiadën Botërore të Fizikës në Korenë e Jugut. Perpara një viti, Flladi la qytetin e Milanos, për t’u kthyer në vendin e lindjes, në Divjakë.

Projekti me i fundit i tij është një kanoe e krijuar nga fibra xhami. E ka quajtur thjeshte “Orka 300”, njësoj si peshku i madh i familjes së delfinëve.

Edhe pse duket e veshtire si sipermarrje, e gjithe puna fillon me lyerjen e kallëpit me polivinir alkooli, solucion qe eshte agjent ndares per te lehtesuar daljen e kallepit.

Me pas behet vendosja e materialit duke filluar nga nje “lyerje” e lehte me rezine, per te vazhduar me nje shtrese fiber xhami.

Procesi vazhdon me nje tjeter shtrese rezine, e me pas serisht
fiber xhami. Ne total vendosen te pakten 3 shtresa.

Fibra thith rezinen derisa te laget e gjitha. Gjate procesit, duhet treguar kujdes qe te mos vendoset me shume seç duhet, e qe te mos mbeten pjese te thata.

Ne pozicionet me kritike (maja e kajakut) mund te vendosen deri ne 2 shtresa fiber ekstra.

Pas perfundimit te fazes finale, nuk mbetet gje tjeter veçse te testohet kanoa ne Lumin e Semanit, shume afer Divjakes.

Kush me mire se vet prodhuesi i kanoas, mund ta beje kete gje….? A jeni gati per lundrimin e radhes me nje kanoan “Made in Albania”?

Top Channel