E zë gjumi mbi tastjerë, transferon 222 mln euro

11/06/2013 00:00

Të shkosh pa gjumë në punë është e rrezikshme, sidomos kur punon në bankë ku me paratë nuk bëhet shaka.

Një punonjës i një banke të nivelit të dytë në Gjermania u paraqit pa gjumë në punë. Detyra e tij ishte kalimi i ndihmës sociale për shtresat në nevojë. Transferta duhej të ishte vetëm 64 euro. Por punonjësin e zuri gjumi mbi tastin “2” të tastjerës së kompjuterit.

Shuma e transferuar në llogarinë e një pensionisti 68-vjecar ishte 222.222.222.222 euro. Gjithcka gati dhe dokumenti duhej të kalonte në duart e supervizores së punonjësit për të marrë miratimin e fundit. Supervizorja e miraton atë, pa u thelluar shumë në detaje.

Por fatmirësisht për të dhe për bankën (dhe fatkeqësisht për pensionistin) ishte një koleg i saj që kuptoi gjithcka duke e korigjuar atë.

Pavarësisht se nuk humbi gjë, banka vendosi të shkarkojë supervizoren e ngarkuar për të kontrolluar këtë transfertë. Kjo e fundit iu drejtua gjykatës për vendimin. Gjykata, pas shqyrtimit të cështjes riktheu në vendin e punës supervizoren që banka e cilësoi “si neglizhente”.

Top Channel