Halla e Tupac Shakur, terroriste e shumëkërkuar
03/05/2013 11:20
“Me shkallë do ta puth unë atë?!” Luftar Paja rrëfen se si babai donte ta martonte me një vajzë në fshat, por ai dashuronte një tjetër 28/04 11:58
Gruaja e parë në historinë e FBI-së, që vendoset midis 10 më të kërkuarve për terrorizëm, është halla e një prej reperëve më të famshëm të të gjitha kohërave, Tupac Shakur.
Joanne Chesimard, e akuzuar se ekzekutoi në stil mafioz një polic në shtetin e Nju Xhersit, është një anëtare e Ushtrisë për Lirinë e Njerëzve me Ngjyrë, një organizatë radikale racore, e futur në “listën e zezë” të organizatave terroriste.
Krimi i Chesimard ndodhi 40 vjet më parë, por ndërsa prej dekadash ajo është e shpallur në kërkim, këtë të premte u përfshi në listën e dhjetë më të kërkuarve nga FBI, për shkak të terrorizmit.
”Ajo është absolutishty një rrezik për Shtetet e Bashkuara të Amerikës”, u shpreh në shtypin amerikan agjenti i FBI-së, Aron T.Ford.
Tupac Shakur u vra në moshën 25-vjeçare një shkëmbim zjarri të ndodhur në shtator 1996, ndërsa gëzonte kulmin e suksesit në karrierën e tij muzikore.
Njerku i tij ishte vëllai i Chesimard. Halla e Tupac, aktualisht besohet se ndodhet e fshehur ne Kube, nje shtet qe nuk ka marreveshje ekstradimi me SHBA-ne.
Top Channel
