Regjistrohen koalicionet në KQZ
24/04/2013 00:00
FOTO/ Me flamujt kuqezi në karrige, çdo gjë gati në sallën ku Rama do të mbajë takimin me shqiptarët në Athinë 11/05 22:31
Rreth pesë orë përpara skadimit të afatit zyrtar, Partia Socialiste dorëzoi e para në Komisionin Qendror të Zgjedhjeve dokumentacionin e rregjistrimit të koalicionit të saj garues për zgjedhjet e 23 qershorit.
Opozita ka në përbërje të koalicionit të saj plot 40 parti, duke përbërë edhe koalicionin më të madh të këtyre zgjedhjeve.
Kërkesa për rregjistrimin e koalicionit, që opozita e ka emërtuar “Aleanca për Shqipërinë Europiane”, është dorëzuar në protokollin e KQZ-së nga përfaqësuesit ligjorë në këtë institucion, Genc Gjonçaj dhe Eridian Salianji.
Përpos partive tradicionale të së majtës, aleanca e opozitës do të ketë edhe parti e grupime të së djathtës.
Ndërkaq, pak para orës 22:00, pranë institucionit më të lartë zgjedhor shkoi edhe përfaqësuesi i demokratëve Njazi Kosovrasti.
Ai dorëzoi kërkesën zyrtare të rregjistrimit të koalicionit të djathtë, “Aleanca për Punësim, Mirëqenie dhe Integrim”. Zoti Kosovrasti dorëzoi listën me 26 parti.
Top Channel
