Një urë me konteinerë riciklimi
14/02/2013 14:25
Prindër për herë të dytë? Shpat Kasapi surprizohet nga partnerja e veshur nuse: Do ta lija… 28/04 16:10
Një urë 160 metra e realizuar e tëra me konteinerë riciklimi. Do të quhet ECOntainer dhe është projekti i studios izraelite të arkitekturës “Yoav Messer”.
Objekti në fjalë do të mundësojë lidhjen e rrugës Lod në Tel Aviv me malin Hirija, në qendër të parkut kombëtar që mban emrin Ariel Sharon.
Ura do të mund të kalohet nga këmbësorët, biçikletat, autobusët e vegjël dhe do të jetë edhe një objekt atraksioni për vizitorët.
Duke dalë në ballkone, që do të realizohen në të dy anët e strukturës, do të mund të admirohet panorama e pjesës juglindore të qytetit izraelit.
Llogaritet që çdo vit rreth 800 mijë konteinerë braktisen nga shërbimet detare. Por, në vend që të braktisen ata mund të ripërdoren dhe përdorimi i tyre do të mundësojë shkurtimin e kohës dhe kostos së prodhimit.
Për projektin arkitektët janë frymëzuar nga ndjenja për ambjentin dhe numri i turistëve që prej disa vitesh tërheq parku kombëtar Sharon.
Top Channel
