Përhapja e internetit në Shqipëri

Në internet mund të gjesh çdo gjë në momentin që dëshiron. Informacioni aty përcillet me shpejtësi shumë të madhe, megjithëse jo pak herë ka kritika për saktësinë e këtyre lajmeve.

Por, edhe mediat më të mëdha në botë po e përshtasin aktivitetin e tyre online. Me redaksi të veçanta për këtë sektor ato kërkojnë të kapin një publik sa më të madh në çdo cep të globit.

Për të kuptuar më mirë rëndësinë e informacionit në ueb, mjafton të kujtojmë nismat e marra për gazeta vetëm në versionin elektronik nga maniati i medias, Robert Murdok.

Edhe zhvillimet mediatike në vendin tonë janë të lidhura me internetin. Përdorimi i internetit në Shqipëri ka arritur në shkallën 48.1%.

Kjo është statistika më e fundit e publikuar nga Unioni Ndërkombëtar i Telekomunikacionit, që konfirmon një përprarim të shpejt të lundrimit në internet për shoqërinë shqiptare.

Sipas të dhënave të ITU-së, internetin e përdorin rreth 1.44 milionë shqiptarë, nga rreth 2.9 milionë banorë që rezultuan nga regjistrimi i fundit i popullsisë.

Shqipëria paraqitet tashmë shumë afër niveleve mesatare të përdorimit të internetit në rajon, ndërkohë që është ende më poshtë se mesatarja prej 61.3% e 27 vendeve të Bashkimit Evropian.

Por, cilat janë faqet më të klikuara nga shqiptarët? Sipas të dhënave që ofron uebsajti i matjes së audiences në internet, “Alexa”, faqet më të klikuara janë “Facebook”, “Youtube” dhe “Google”.

Ndërsa për sa i përket faqeve informative, “Top-Channel” llogaritet si uebi më i klikuar nga shqiptarët. “Top-Chanel.tv” është në vendin e 8 235 në botë përsa i përket klikimeve.

Ndërsa faqja informative “Balkanëeb.com” është më e klikuar brenda vendit, por në renditjen botërore qëndron në pozicionin e 10 402.  Në mungesë të një studimi shkencor këto të dhëna duket se tregojnë një trend se cilat sajte zgjedhin shqiptaret për t’u informuar.

Top Channel