Franca gjunjëzon Google
02/02/2013 17:20
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Pavarësisht nisjes për në Mali, presidenti francez Francois Hollande ka arritur të gjunjëzojë Google, kolosi amerikan i internetit, në betejën e gjatë të lidhur me të drejtën e autorit.
Një takim mes kreut të shtetit dhe numrit një të “motorit” Eric Schmidt, i ka dhënë fund negociatave të vështira që zgjasnin prej dy muajsh mes palëve.
Presidenca franceze ka njoftuar krijimin e një fondi prej 60 milionë eurosh, tërësisht i financuar nga Google, që do të lehtësojë kalimin e materialeve të printuara në format të dixhitalizuar.
Këshilli administrativ i Fondit do të përbëhet nga përfaqësues të Google, të fushës së botimeve, por edhe nga personalitete të pavarura.
Ndërsa përdorimi i tij do të kontrollohet nga një organ i jashtëm dhe i pavarur. Fondi do të jetë i hapur për të gjitha faqet e informimit.
“Detyra e këshillit administrativ do të jetë zgjedhja e projekteve të merituara që do të marrin një ndihmë financiare”, ka sqaruar Marc Schwartz, ndërmjetës i qeverisë franceze në bisedimet me Google.
Marrëveshja e firmosur në Paris parashikon edhe një “partneritet tregtar” 5-vjeçar, që do të ndihmojë shtypin të zhvillohet në internet, duke rritur të ardhurat e tij online, ka shtuar ndërmjetësi.
Top Channel
