iPad Mini, krijesa e re e Apple
23/10/2012 10:05
Si të shpëtoni një marrëdhënie që po shkon drejt fundit? Terapistët zbulojnë shenjat dhe mënyrat për ta rindërtuar 27/09 18:27
Skema e ngjyrave
Madhësia e shkrimit
Gjithcka gati në California Theatre të San Hozesë në SHBA, ku Apple pritet të prezantojë produktin e saj më të ri, iPad Mini ose shkurt Air, një projekt i prezantuar që në vitin 2010 nga i ndjeri Steve Jobs.
Megjithëse pritshmëritë dhe kureshtja janë të mëdha, Apple nuk ka zbardhur asnjë detaj të mëtejshëm, përvec datës. Por në internet qarkullojnë disa hipoteza. Sipas tyre, iPad Mini i “Mollës” do të ketë një ekran 7.85 polsh, ose sa dy të tretat e ekranit të iPad-it tradicional dhe diçka më shumë se sa Kindle Fire të Amazon dhe Nexus7 të Google, dy tabletët konkurues 7 polsh që janë pritur mirë nga tregu.
Kjo bëri që Apple të përveshë mëngët e të hidhet sa më parë në këtë terren. Problemi qendron tek hardware, që sipas zërave do të jetë më modest në krahasim me iPad-in tradicional, ndërsa sa për formatin ai do të jetë 1024 x 768, pra 4:3. Nëpër forume të ndryshme përflitet se do të mungojë edhe ekrani retina për të kursyer baterinë.
Dalja në treg, 2 nëntor, çmimi: përflitet se do të kushtojë diku tek 299 euro, ndërsa ekspertët e tregut parashikojnë shitjen e 10 milion syrësh nga Apple deri në fund të këtij viti.
Top Channel
