Femrat, më nostalgjike për seksin me ish-at

Një total prej 38% e femrave dhanë këtë përgjigje, gjatë një ankete të realizuar nga një eksperte britanike e seksologjisë, Tracey Cox.

Përsa i përket meshkujve, 29% e tyre u shprehën se pëlqenin më shumë marrëdhëniet seksuale me ishat e tyre se sa me femrat me të cilat ishin të përfshirë në një lidhje.

Studimi i Cox nxorri gjithashtu në dritë ndryshime në rolin që luajnë marrëdhëniet seksuale në mënyrën se si të dy gjinitë konceptojnë rolin e seksit.

”Femrat nuk kanë tendencë që të martohen me personin që i plotëson më shumë seksualisht, pasi vlerësojnë më shumë cilësi të tjera, si besnikëria dhe aftësia për të qenë një baba i mirë. Ka shumë gra që pranojnë se dashurojnë bashkëshortët e tyre, por fantazojnë marrëdhënie seksuale me ishët. Kjo nuk do të thotë se janë penduar për zgjedhjen e tyre, por ndihen nostalgjike ndaj partnerëve më të aftë seksualisht të së shkuarës”.

Rreth 10% e të dy gjinive pranuan se ndiheshin të eksituar nga tradhëtia dhe ideja se mund të kapeshin nga partnerët e tyre me dikë tjetër.

Anketa, rezultatet e së cilës u publikuan të enjten në “Daily Mail”, u realizua duke marrë në pyetje 1 100 meshkuj dhe femra të reja, të anketuar në mënyrë rastësore në disa dyqane erotike në Londër.

Top Channel