Sparks: Operativë serbë në veri të Kosovës

Në një intervistë për gazetën serbe “Danas”, Sparks ka nënvizuar se Beogradi zyrtar ende nuk ka mundësuar lëvizjen e lirë të misionit EULEX, pikërisht sepse në veri veprojnë agjentët e MUP-së, në kundërshtim me rezolutën 1244.

Pas përfundimit të mbikëqyrjes së pavarësisë së Kosovës, përfaqësuesit e institucioneve atje thonë se tani ata janë më të lirë që të veprojnë për shtrirjen e autoritetit në veri të vendit.

“Ajo pjesë është përgjegjësi e institucioneve të Kosovës, por do të jetë edhe një koordinim me faktorin ndërkombëtar që është prezent në Kosovë”, deklaroi kryeparlamentari Jakup Krasniqi.

Ndërkohë, plani integrues për veriun, i përmendur disa herë nga kryeministri Hashim Thaçi, është ende në fazën e hartimit.

Në këtë mënyrë arsyetohet fakti që ideja për zgjidhjen e problemit në këtë pjesë të territorit nuk i është prezantuar fillimisht Kuvendit të Republikës.

I pyetur para pak ditësh për këtë çështje, zëvendëskryeministri Hajredin Kuçi tha se në Kosovë keqkuptohet niveli i hierarkisë, duke lënë të nënkuptohet se SHBA dhe BE zënë një vend të rendesishëm në procesin e vendimmarrjes.

Top Channel