Me not nga Kuba në SHBA
19/08/2012 18:45
Do zgjasë 139 ditë, zbuloni si do të ndikojë tek shenja juaj e zodiakut retrograda e Saturnit! 13/05 14:33
62-vjeçarja Diana Nyad ndërmori përpjekjen e radhës për t’u shndërruar në personin e parë që noton për 166 kilometër në det duke përshkruar vijën detare që lidh Kubën me Floridan në Shtetet e Bashkuara.
Nyad u nis nga Havana pasditen e së shtunës dhe nëse gjërat do të ecin ashtu sic i ka parashikuar ajo dhe skuadra e saj, do të mbërrijë në brigjet amerikane ditën e martë.
Përvec distancës së stërmadhe që duhet të përshkojë me not, 62-vjeçarja ka marrë përsipër edhe riskun duke notuar pa një mbrojtje të mirëfilltë kundër peshkaqenëve dhe kafshëve të tjera grabitqare që rezervon bota nënujore.
Kjo është përpjekja e katërt e notares amerikane, e cila ka dështuar në tre të parat. Shtatorin e vitit të kaluar ajo u detyrua të braktisë misionin e saj për shkak të sulmeve nga peshq të vegjël grabitqarë, ndërsa në një tjetër përpjekje pak vite më parë la në mes udhëtimin për arsye shëndetësore.
Nyad u detyrua të shtyjë me 16 orë nisjen e saj për shkak të motit të keq. Pak para nisjes ajo tha për mediat se ndjehej shumë e emocionuar dhe se ishte e përgatitur për të realizuar misionin e saj, e vetëdijshme për rreziqet që i kanosen.
Top Channel
