Tahiri: Shteti, i gjunjëzuar para krimit
13/08/2012 13:15
Rama kujton vitet 90-të dhe lëvizjen studentore: Lideri s’donte të lironte të burgosurit politik, na tha doni llumin… 18/05 09:09
Saimir Tahiri, deputet i Partisë Socialiste, ka theksuar në një dalje për mediat se “shteti shqiptar është i gjunjëzuar para krimit dhe qytetarët janë krejtësisht të pambrojtur”.
“Qytetarët grabiten në mes të ditës, ndërsa Berisha grabit institucionet e pavarura siç bëri me SHISH-in”, theksoi Tahri, i cili shtoi se “kriminelët vrasin, lirohen dhe vrasin përsëri”.
“SHISH-i nuk është më i pavarur dhe i është rikthyer një militanti. Policia e Shtetit drejtohet nga militantë të paaftë për të luftuar krimin dhe nga drejtues policie që bëjnë pazare me vetë kriminelët”, shtoi deputeti socialist.
“Kur i pari i qeverisë vret qytetarët e vet si më 21 janar, edhe kriminelëve s’i hyn gjemb në këmbë. Pa u larguar Berisha nuk mund të garantohen institucionet e pavaruara e nuk ndëshkohen bandat që bëjnë kërdinë. Nuk mund të rikthehet qetësia për qytetarët pa ikur Berisha”, deklaroi tahiri.
Në fund, deputeti socialist nënvizoi: “PS do u rikthejë qytetarëve pavarësinë e institucioneve, do garantojë jetën dhe pronën e çdokujt e do vërë prapa hekurave të gjithë hajdutët, përshirë ata që janë në pushtet.”
Top Channel
