Jeremy Renner nÃ« gjurmÃ«t e Matt Damon

27/06/2012 11:20

Është bërë i famshëm kohët e fundit me pjesëmarrjen si aktor joprotagonist në filma si ‘Mission Impossible – Ghost Protocol’ dhe ‘Avengers’, por tashmë Jeremy Renner do të dalë nga hija e Tom Cruise dhe Robert Downey Jr duke qenë protagonisti kryesor në filmin e tij më të fundit: ‘The Bourne Legacy’.

Aktori 41-vjeçar ka thënë në një intervistë për revistën ‘Empire’ se roli që më parë është interpretuar nga Matt Damon dhe që i dha këtij të fundit famën ndërkombëtare, do i ndryshojë jetën: “Është një përgjegjësi e madhe për mua. Do të ndryshojë krejtësisht jetën time. Marrëdhënia që kam me familjen, miqtë dhe me këdo tjetër do të ndryshojë. Nuk do të kem më mundësinë të dal për të pirë një kafe në qetësi.”

Edhe pse i di mirë pasojat e famës që do të fitojë nga filmi ‘The Bourne Legacy’ Renner deklaroi se nuk u mendua gjatë për të pranuar ofertën: “E pranova brenda 10 sekondash.”

Aktori ka shpjeguar edhe ndryshimet që personazhi i tij (Aaron Cross) do të ketë nga ai i Matt Damon (Jason Bourne): “Kanë një të kaluar krejt të ndryshme. Aaron e di shumë mirë se kush është dhe ka dashur gjithmonë të jetë pjesë e skuadrës.”

Jeremy Renner është bërë i famshëm me filmin ‘The Hurt Locker’ ku mori edhe një nominim për çmim Oscar.