Spanja i shtrin dorën BE-së
09/06/2012 20:55
E akuzon për spiunazh, Rusia dëbon diplomatin britanik: Ke dy javë kohë të largohesh nga vendi 26/11 13:51
Spanja kërkon ndihmë financiare nga vendet e Eurozonës. Në një konferencë për shtyp në Madrid, Ministri spanjoll i Ekonomisë Luis De Guindos deklaroi se shuma që do të merret hua, është e mjaftueshme për të shpëtuar dhe rikthyer besimin e qytetarëve tek sistemi bankar.
Ministri De Guindos nuk specifikoi shumën që do të merrej hua, por ajo u bë publike nga një deklaratë e përbashkët e Ministrave të Financës së Eurozonës.
“Eurogrupi u informua se autoritetet spanjolle pritet të dorëzojnë formalisht kërkesën e tyre për ndihmë financiare. Ne shprehim angazhimin tonë për t’iu përgjigjur pozitivisht kësaj kërkese”, thuhet në deklaratën e përbashkët të Eurogrupit.
Shuma që do t’i huazohet Spanjës shkon deri në 100 miliard euro, shumë që konsiderohet e mjaftueshme nga qeveria e Madridit për të shpëtuar dhe rikapitalizuar sistemin bankar spanjoll. Nga ana tjetër në këmbim të ndihmës, Spanjës do t’i kërkohet të reformojë sistemin e saj bankar.
Top Channel
