Rama: Ja pse mbështetëm Vishën
14/04/2012 19:30
“Kush punon e kush hedh bomba”, Veliaj komenton protestën e opozitës para bashkisë: Muhabetet me molotov do harrohen
27/04 15:24
Kryetari i Partisë Socialiste, Edi Rama nëpërmjet një editoriali të botuar në faqen e tij zyrtare, iu është përgjigjur kritikave të adresuara nga disa analistë e media, për vendimin e socialistëve që mbështeti në Kuvend avokatin Ardian Visha për anëtar të KLD-së.
“Duke mbështetur kandidaturën e Ardian Vishës, avokatit të Fatmir Mediut, ne nuk ndërruam asnjë presje në qëndrimin tonë ndaj krimit shtetëror të Gërdecit”, nis editorialin e tij Rama.
Rama thotë se mirëkupton kritikat, por këmbëngul se ato janë të nxituara dhe keqkuptojnë Partinë Socialiste.
Por pse PS mbështeti Ardian Vishën, ish-avokat i Fatmir Mediut në çështjen e shumëpërfolur të Gërdecit?
Kjo shpjegohet me tre arsye, sipas zotit Rama, e para për personin e Vishës, si njeri i papërlyer me korrupsion e me integritet të lartë moral, e dyta i spikatur profesionalisht, që nuk ka rënë ndonjëherë në sy për mungesë profesionalizmi dhe e treta: “Mbështetëm një kandidat jopartiak për të synuar vota përtej pakicës sonë parlamentare”, shkruan tekstualisht vetë Rama.
Vendi i lënë bosh në Këshillin e Lartë të Drejtësisë pas largimit të Kreshnik Spahiut, u plotësua nga Elis Çefa që mori 71 vota në parlament ditën e enjte, në një votim elektronik që për opozitën mbetet i jashtëligjshëm.
Top Channel
